演唱會將至積極排


舞天籟靚聲19歲女新人丁悦Tiffany(阿丁)將於明天(13、14日),假灣仔藝術中心壽臣劇院舉行一連兩場首個個人音樂會《丁悅 19 Debut Live Concert 2014》,兩場門票已經爆滿,阿丁十分感謝大家支持。
這個音樂會已籌備了幾個月,阿丁更在一個多星期前已開始閉關排舞,與樂隊練歌,作最後衝刺,非常認真。
阿丁將在音樂會上換六套靚衫,問到她當天所穿的靚衫會否性感?她神神秘秘說:「唔講住,到時畀驚喜大家,總之就靚啦,我自己好鍾意。」
在音樂會上,阿丁會連續載歌載舞2小時,獻唱30首歌曲,當中包括多首經典英文金曲、李蕙敏的《好結果》,以及阿丁的偶像容祖兒和陳奕迅的歌曲。而其中7首更是又跳又唱的快歌,近日已積極與舞蹈員排舞,問她辛不辛苦?她輕鬆笑言:「完全唔辛苦,反而跳上癮,原來一路跳,一路唱歌真係好過癮。我知道今次對於我嚟講係一個大挑戰,但我好心急去迎戰,依家係倒數階段,愈接近愈緊張。」
依然精力充沛的阿丁還說:「不過我冇緊張到失眠喎,反而仲好瞓咗,依家每晚準時11點上床瞓覺,大清早8點起身,每朝食完麥皮早餐,然後跑步、健身練氣,再練歌、練舞。」她坦言為了音樂會積極減肥,自爆:「爲咗減磅,每日三餐都食麥皮。(只食麥皮唔怕無氣呀?)哈哈,我大把脂肪可以燃燒,有排都未燒到啲氣,中氣十足呀!」

上一條下一條