丁悅新歌《好結果》拍MV 比韓國男模嚇親

首次拍攝MV的阿丁連續用了11個鐘頭拍攝MV,好動活潑的阿丁笑言唔覺得攰,仲感到好好玩。在MV中,阿丁要穿上婚紗,更要自彈自唱,可謂非常忙碌。其中一幕是拍攝阿丁與飾演她男友、來自韓國的大隻男模親熱鏡頭,身穿白色小背心的阿丁與男模在公園抱抱談情,對此,阿丁坦言有少少尷尬,「第一次拍親熱鏡頭,但他好專業,一埋位就即刻入到戲,仲即刻攬住我,當時自己都嚇親,因為從來都未試過被陌生男人攬,不過都好多謝佢帶我入戲。(有無錫錫場面?)導演無要求到,劇情並唔需要。」
雖然阿丁無緣與韓模啜啜,不過對方卻mv中與另一女model拍攝床照。對於MV中的男友出軌,現實中的阿丁又是否遇到過男友出軌呢?阿丁即笑言:「自己年紀仲細,仲係puppy love,未有機會遇上,亦唔希望會遇上。」
在MV中要一邊彈鋼琴一邊唱歌,但阿丁卻自爆從來沒有學過鋼琴,更沒有考過任何鋼琴考試。她說:「有一次,我行過琴行見到座鋼琴好靚,就即刻買返屋企自學。(無師自通?)係呀,自己摸索出嚟。」
另外,今個月的13、14號,阿丁就會在灣仔壽臣劇院舉行首次個人演唱會《丁悅 19 Debut Live Concert 2014》,門票已全部售罄,阿丁表示非常開心,努力宣傳新碟、爲演唱會積極籌備的她坦言一啲都唔辛苦,仲覺得好充實。 

下一條