Jeana錄定醉酒片攞靈感

欣宜為拍劇狂隊酒

(先機網)由何珮瑜 ( Jeana )、連詩雅 ( Shiga )、雨僑 ( Ava ) 及陳嘉莉( Kelly )四位性感女神加新搞笑小天后鄭欣宜 ( Joyce )主演的現今女性話題網劇《性敢中環》,第二集於6月21日(五)hmvod免費有得睇。

新一集講到幾位女主角都愛好杯中物,喜愛夜蒲但又經常醉酒鬧事!其中欣宜更打真軍,對於平時唔多飲酒的她表示﹕「都幾辛苦,要不停咁飲!」其中一幕飾演幼稚園Miss的欣宜更要在成班小朋友面前嘔,「他們一cut機就會笑我,我很鍾意小朋友,所以要在他們面前咁冇儀態,都有點唔習慣!」

而Jeana在劇中需要飾演一個經常發酒癲的角色,其中一幕更要醉到爆樽,但她表示自己不敢飲真酒,怕focus不到走位、角度等等,「所以我平時會叫朋友用我電話錄低我飲醉的神情,等自己睇番可以摸索到,用番喺拍戲上面。」

今集講到飾演KOL的雨僑和其經理人的蔡瀚億(BabyJohn)因工作上嗌大交,身為美容達人的雨僑被開價20萬影一個咖啡product shot都照推,「其實角色同自己本身都幾似,都係KOL,不過我就冇劇中角色咁固執和自負,客人要咩都會盡量配合。」
上一條下一條