一日裡面食咗幾十隻,真係食到想嘔,自從個次之後見到榴槤都有恐懼症。
Jason今次的角色名稱是「火爆」,是梁家輝於電影中的其中一個兄弟,專門負責行動組。
第一次見到咁多錢,場面好壯觀,幾十億現金道具,身在其中,真的有一種有錢萬事足嘅感覺。

黃竣鋒參演《追龍2》

食榴槤食足一日食到怕

 (先機網)藝人黃竣鋒(Jason)兩年前於電影《追龍》中飾演九龍城寨「公仔強」留下觀眾深刻印象,今次新作《追龍2》亦有Jason的演出,他亦成為唯一一位於《追龍》及《追龍2》均有參與的演員。他表示十分感謝導演王晶的信任及提攜,有機會參與《追龍2》的演出,而戲份亦比前作更多。

 

Jason今次的角色名稱是「火爆」,是梁家輝於電影中的其中一個兄弟,專門負責行動組。問到拍攝其間有啲咩趣事?佢話拍呢部戲有好多美好嘅回憶,獻出咗好多第一次,第一次食榴槤食足一日,第一次食公仔麵食足一日,第一次打邊爐打足三日,最恐怖係食榴槤個場戲:「」雖然我都幾鐘意食榴槤,但係一日裡面食咗幾十隻,真係食到想嘔,自從個次之後見到榴槤都有恐懼症。而另外一場戲,我第一次見到咁多錢,場面好壯觀,幾十億現金道具,身在其中,真的有一種有錢萬事足嘅感覺。如果真係有咁多錢,點算呢?」

Jason又分享:「仲有一場我要用條毛巾撳住古仔嘅口與鼻,由於緊張過頭,出力太大,古仔嘅鼻梁又比較高,差啲撳歪咗佢個鼻。印象最深刻嘅係同古仔一齊食早餐嘅戲,因為拍之前唔知佢會無啦啦俾個飛吻我,當場我都唔知俾咩反應佢!其實都要多謝古仔為我指導演技。令我個角色更加立體生動。而我被炸死嗰場戲,佢話面部肌肉要完全放鬆,雙眼無焦點嘅望住前面,雙眼皮亦要完全放鬆,唔可以合埋又唔可以掙開,呢啲演技要即場發揮出來,我壓力好大,當時覺得做演員真係無想像中咁簡單。」

上一條下一條