6P成網民熱話

廖子妤夜蒲look撩恆仔

(先機網)話題網劇《向西聞記》昨晚開 facebook live,導演吳兆麟聯同三個單元演員包括《台北的港男港女》的趙善恆 ( 恆仔@ToNick ) 和廖子妤 ( Fish )、《因為寂寞所以健身》的肥腸 ( 徐浩昌 ) 和黎紀君 ( Christy )、《骨與慾》的李尚正和陳穎欣 ( Yanny@SuperGirls ),一齊暢談拍攝趣事及與網民互動,三 pair 男女主角中以 Fish 最搶眼,因為她特別戴上粉紅色假髮、着小背心短褲仔,以戲內在撩恆仔的夜蒲戰衣「重出江湖」,即時引來眾人嘩嘩聲。
 
《向西》在 hmvod 上架後,至今已衝破40萬點擊,多個單元更成為網民話題,例如肥腸和 Christy 的單元涉及倫敦金,阿正和 Yanny 的故仔充滿迷思,就連牌面浪漫到死的《台北的港男港女》,在尾段亦有出人意表的大逆轉,昨晚開 live 網民都大讚 Fish 演出夠狠、睇到人心寒,而她和恆仔的合唱歌《我們是無法說明的季節》,網友亦屢賜好評。
 
明日 ( 5 月 17 日) hmvod推出《台北》下集大結局免費睇,上集講到單身狗恆仔一心去台北溝台妹,豈料撻着港女 Fish,恆仔通殺之餘但開始玩真愛,扮台仔帶 Fish 浪漫遊歷,又扮嘢要跟她學廣東話粗口,不過去到下集徹底反轉,兩人一夜情之後,Fish 才逐漸露出神秘身份。
 
今次恆仔同 Fish 都要在鏡頭前爆粗,恆仔直言唔自在,「鏡頭前講粗口真係唔慣,但係為咗個故事角色同套劇,討論過之後,演戲投入咗就都冇問題。」Fish 女仔之家講粗口,她同樣覺得拍戲係可以接受:「係因應角色需要,唔係為爆粗而爆粗,既然生活中存在粗口,戲入面都冇所謂。」
 
時下不少後生仔會透過網上平台溝台妹,恆仔稱交友 app 係拉近人與人之間距離,「但要睇個人點用,我識有人真係交友搵朋友傾偈,有人搵 one night stand,有人可以開花結果結婚生仔,呢啲 app 都係認識其他人嘅一個好方法。」Fish 不反對愛情速食文化,但她更響往的是浪漫情感,她笑說:「速食文化會剥削一啲浪漫,有啲嘢一晚做晒,你就會追求更加多激情或者更多令你刺激感官同所有情感嘅嘢,我就唔係好 prefer,但呢啲屬於個人行為,冇傷害其他人、兩個人覺得 ok 又單身,喺佢哋覺得可以嘅情況下 why not?可能發展成為一對?但我覺得有啲嘢可以慢啲,可以回歸番寫信,呢個我都幾響往。」
...
上一條下一條