趙永洪後樓梯打野戰

李美琪玩一夜情:why not?

(先機網)話題原創劇《向西聞記》已在 NETFLIX 上架,前晚劇集舉行首播禮後,昨晚 ( 5月1日 ) 其中三個單元包括《咖喱雞》的張建聲和陳意嵐、《PTGF&PTBF》的陳安立和沙律 ( 張沛樂 )、《食女性地嘉亨灣》的趙永洪和李美琪 ( 牛雜妹 ) ,更夥同導演吳兆麟齊齊開 facebook live 暢談拍攝點滴。
 
明日 ( 5月3日 ) hmvod 推出免費睇的《向西聞記》新單元《食女性地嘉亨灣》,今次趙永洪飾演一個時薪 38 蚊的嘉亨灣保安員,性格又鹹又賤又爛口,夜蒲亂吹自己住嘉亨灣兼開戲,成功搭上豪放港女牛雜妹,仲氹掂對方去嘉亨灣後樓梯打野戰;而聲稱住貝沙灣的牛雜妹,實際身份同樣成謎。
 
戲中趙永洪向牛雜妹爆粗求「扑」,最後拉她去後樓梯激戰,他稱其角色反映了現今年代的「飲食文化」,但拍該場激戰戲毫不好受,「拍嗰時又熱又侷,但演員有呢個好處,正常你唔會做嘅嘢,演戲就有機會俾你感受吓,其實都幾鬼驚,寧願上番床好過。」現今唔少男人靠吹呃蝦條,趙永洪則稱此風不可長:「真的假不了,假的真不了,大話始終係大話,有一日會穿,呃人唔好做呀。依家網絡資訊太犯濫,要自己分清楚邊啲係真同假,如果唔係都好大鑊。」
 
向來乖巧的牛雜妹在《食》劇中扮豪放女,可謂耳目一新,她說:「過往我參演嘅角色同自己俾人嘅感覺接近,好開心今次導演咁大膽搵我做一個豪放女,希望我嘅表現冇令佢失望。呢個角色嘅性格設定同表達意識上都好大膽,令人睇到㷫烚烚,後樓梯嗰場戲,我拍嘅時候好緊張,因為戲入面我要主動錫趙永洪,手部游走佢身體不同部位,好怕唔小心掂到佢,俾佢以為我想非禮佢,哈哈。但經過導演親身指導示範,加上對手嘅配合,場戲總算有驚無險順利完成。」她稱讚趙永洪很細心,對她相當照顧。
 
提到一夜情的速食文化,問牛雜妹能否接受?她就說:「我唔特別贊成或者反對呢件事嘅發生,愛情上我係幾典型嘅水瓶座,非常憑感覺,如果感覺到而大家都係單身,why not ?」
上一條下一條