張建聲酒後背正印食女

與陳意嵐玩sm留咖喱雞

(先機網)hmvod 原創劇《向西聞記》今日 ( 4月18日 ) 終於有得睇!打頭炮出擊的單元係由張建聲、陳意嵐、張沛樂 ( 沙律 ) 及吳浣儀演出的《咖喱雞》,而故仔係由已播出的《向西》頭兩集單元《畜牲傳心師》延連下去,上回講到《畜》片的張繼聰只愛胡杏兒,苦戀他的陳意嵐 ( Tarah ) 情傷之下,在《咖喱雞》故事中搭上已有女友沙律的張建聲 ( Justin ),最後張建聲背正印出軌仲搞到全頸全身都係咖喱雞,呢個咖喱災難比關公災難更難搞,水洗都唔清。
 
戲內 Tarah 因為太傷心隊酒洩憤,其中一幕戲她在酒醉下拎起皮帶狂抽張建聲,為求效果仲堅抽鞭鞭有力,Tarah 說:「拍嗰時拍極都唔係好真,Justin 叫我真係鞭落嚟,我就真係鞭落去,跟住張建聲個樣好憤怒,因為真係俾我打咗幾吓,真打係好快拍完,效果亦好好多。」
 
至於張建聲就對這個單元一字記之曰:正。他說,「因為我一個人分飾兩個角色,係一個自己同自己講嘢嘅故事,今次最特別反而係同浣儀姐一齊做嘅笑位,出現幾好笑嘅化學作用;而監製同導演又喺演出上俾好大自由度同創作空間我發揮,呢套戲係我從影以來最多粗口嘅一部,有七、八成都係講粗口,但唔係為講而講,係好生活化,爆粗爆得幾過癮,但我都有另外做配咗一個乾淨版嘅。」
 
Justin 在暑期新片《作家的謊言:筆忠誘罪》飾演出軌作家,在《咖喱雞》又繼續偷食,接二連三做衰佬角色,但他不怕被定型,「唔諗呢啲啦,其實近幾年我大部分都係演反派,我覺得做到一個位機會嚟先轉型,不如專心反派上點樣做會創新啲,最緊要觀眾睇得爽同開心、入到戲,我就滿足啦。」
 
一連 12 集合共 9 個單元的《向西聞記》,今日率先在 hmvod 上架,會員可以一次過睇晒全劇,非會員免費睇則逢周五可以免費睇更新的一集,而 NETFLIX 則於 4 月 30 日全球播映。
 
上一條下一條