邱芷微今年留響香港都會繼續做慈善籌款工作。
邱芷微於柴灣青年廣場演奏廳為慈善音樂會擔任表演嘉賓。
為了今次演出邱芷薇特別請老師加強聲樂及舞台表演技巧訓練,希望俾大家有種耳目一新感覺。
Chelffy 今次第一次同張敬軒演唱會班底的弦樂四重奏樂團MR.Quartet 合作好緊張。
音樂會伴奏班底弦樂四重奏樂團MR.Quautet 。
《出走快樂》編曲監製鄭汝森及填詞皓賢也有到場支持。

邱芷微為山區學童籌款

(先機網)歌手邱芷微 Chelffy (前名:邱美薇)於柴灣青年廣場演奏廳為慈善音樂會擔任表演嘉賓,為湖南山區貧困學童籌款。一向熱心公益的Chelffy 更透露今年去不到山區探訪學童好可惜:「我每年3 月也會到雲南山區探訪學童,但今年撞咗工作擋期去唔到。不過由於之前出嘅新歌《出走快樂》的背後意義,令一些有關山區籌款的香港慈善團體支持,並邀請我參加活動及分享。所以今年留響香港都會繼續做慈善籌款工作。」

Chelffy 表示為了今次演出特別進行特訓:「該音樂會是由之前出嘅新歌《出走快樂》的編曲監製鄭汝森博士Anthony 擔任Music Director。今次第一次同張敬軒演唱會班底的弦樂四重奏樂團MR.Quartet 合作,有咁多人同我伴奏,我覺得自己好幸運幸福。Anthony 特別楝咗啲我從未響公開場合演唱過及難度高的歌,仲要一次過唱十分幾鐘,大家都咁認真做好個演出,我都唔想做得唔好,所以我都特別請老師加強聲樂及舞台表演技巧訓練,希望俾大家有種耳目一新感覺。」

Chelffy 更表示希望今年能夠順利籌辦慈善音樂會:「之前我有講過就一定要實行,但一個人能力有限,所以今次的參與係一個寶貴的經驗,亦係一直希望有哩d 機會。我幾鍾意今次以classical music 形式進行演奏。(會唔會再搵番今日個班底再合作?)我同公司傾過,同Anthony 一直的合作也好好,所以有哩個機會再合作。」

Chelffy 透露自己從2012 年起,每年都會到訪國內山區及貧困地區探訪:「今次音樂會都係主要同大家分享探訪目的及過程,在場睇番佢哋播放的災難前後片段,仲要由當地空運番學童用過的破爛小書桌及小椅子呈現在舞台上做道具,令我再次回憶番過去踏足當地探訪時所見的環境及人。雖然我之前未跟過今次合作的慈善團體去探訪,但大家都一樣從探訪體驗中明白快樂其實可以好簡單,透過與人分享及付出,就是人與人之間的愛及關懷,這更能夠為我們帶來快樂。」

上一條下一條