Celine在日本贏冠軍後拿著獎杯拍攝花絮。
朝日電視台封為天才歌姬的小 Celine 結果出戰三局大滿貫。

日本贏唱K大賽有迴響

Celine回港升班

(先機網報道)譚芷昀 ( Celine ) 早前趁暑假,前往日本參加尊尼組合關西 Johnny8 之綜藝節目《卡拉OK王No.1決定戰 最強歌唱Kids大會》,分別與三位強勁小對手PK,被朝日電視台封為天才歌姬的小 Celine 結果出戰三局大滿貫,成為全場總冠軍,其歌聲震撼全場,連幾位主持包括關八成員、著名小提琴家葉加瀨太郎都對她讚口不絕,有工作人員更因見到 Celine 叻女而感動得眼濕濕。
Celine 的歌唱才華再被肯定,比賽過後迴響猶在,不止有人透過公司斟她赴日演出,同時她亦多了大批日本fans,雖然 Celine 熱愛唱歌,但相比之下更愛返學,Celine 說:「今年第一年升初中,想專心讀書,唔會好似以前咁多公開演出。不過之前去日本都好開心,嗰日唱卡拉OK,全日都留喺電視台練歌同準備,好彩有爸爸媽媽 Dion ( 妹妹 ) 同經理人陪我,可以同佢哋玩,我哋喺電視台有間房休息,房度有好多零食同飯糰,好好食。」
此外,一直贊助 Celine 靚衫的意國品牌 MONNALISA 日前舉行了一連三日的手工藝班,當日 Celine 趁周末不用返學,就去銅鑼灣分店學製乾花裝飾,順便揀選秋冬衣服,期間仲揀到一對她心儀已久的長靴,令她非常開心。
上一條下一條