鄧小巧音樂會情緒高漲

搞到又喊又笑又赤腳又坐地

(先機網報道)鄧小巧日前在演藝學院舉行兩場「Inner Strength 」音樂會,共演繹了15了首歌,在音樂會上小巧情緒高漲搞到又喊又笑又赤腳又坐地,辣慶全場觀眾並齊齊企起身大合唱,小巧更一時感觸兩度落淚,令台下觀眾也眼濕濕,她又有感而發希望大家住在同一屋詹下,要好好珍惜及愛護自己及身邊人!

鄧小巧一連兩晚在演藝學院舉行音樂會,今次是她與舞台及製作藝術學院學生共同創作的音樂會,昨晚是尾場演出,到來捧場的圈中友好有鄭欣宜、陳建安、梁釗峰及黎曉陽等,在音樂會上小巧一時感觸兩度落淚,當她唱到「和好」時忍不住喊起來,因為台上出現她與家人及朋友的童年照片,令她回想起不少過往生活的難忘事。另外,唱到「 荒唐」、「四大發明」時她也落淚,令在場的觀眾即場大叫為她打氣,小巧覺得大家一齊生活在同一個城市,應該要好好愛自己及身邊人,讓大家繼續生活下去。小巧不只唱到喊,還除鞋做赤腳大仙坐在地上繼續唱,當唱到「可惜你是個人」時,她叫大家企起身並揮動手上的彩虹卡,在安歌環節小巧又與觀眾玩包剪揼決定唱幾多首歌,最後多唱兩首完結音樂會。

小巧笑:「完成呢個音樂會之後有啲百感交集,因為籌備咗一段時間,係同學生合力創作嘅音樂會,頭場係不設售票,係特別邀請演藝學生、老師欣賞,尾場係粉絲買飛入場,所以呢場大家都喊得幾金,由開場唱《石頭芭樂》到尾一路氣氛都好都,所以本來我好少有安歌位,不過今次好感動,咁坐埋地下唱個感覺同歌迷好近,我一早預咗唱「和好」同「強弱」會喊,特別係「和好」因為台上Show咗我同媽媽、家姐啲舊照,令我驚覺自己原來已經咁大個,仲開埋音樂會,所以又好感動,我要多謝大家嘅掌聲、眼淚,啲朋友佢哋入到後台都忍唔住喊,咁希望今次音樂會之後可以有機會去更大的場地演出。」

上一條下一條