陳嘉莉向來孝順將薪酬都交給家人處理。
與關楚耀拍食飲節目。
陳嘉莉 (Kelly) 依然在風球下開工,與關楚耀及鄧建明 (Joey Tang) 為美容院擔任剪綵嘉賓。

孖關楚耀風球下剪綵

孝順陳嘉莉加家用

(先機網報道)超強颱風「山竹」昨日 ( 15/9 ) 襲港,但陳嘉莉 (Kelly) 依然在風球下開工,與關楚耀及鄧建明 (Joey Tang) 為美容院擔任剪綵嘉賓。其實 Kelly 今年工作未停過,先後拍了四部電影及一部網劇,亦為美容及養生品牌等拍攝宣傳照,過了相當充實的一年。
 
Kelly說:「今年係好感恩,多咗工作,希望之後都係咁,每次開工我都好珍惜機會,同埋每一次拍戲都累積到經驗,但自己要更努力,因為仲有好多進步空間。」工作多了,收入自然有增長,但Kelly只買了部相機自我獎勵,其餘收入除了必要開支外,向來孝順的她將薪酬都交給家人處理,她笑說:「依家自己學緊攝影,多個樂趣;呢排同關楚耀一齊拍飲食節目,剪綵又咁啱一齊,原來佢都鍾意影相,都有同佢傾吓攝影問題,交流吓。我自己冇咩特別使費,買個相機已經好開心,所以一路都俾到家用,仲慢慢增加,今年都有加咗家用俾屋企人。」
 
昨日剪綵之後,Kelly隨即返家,因為打風都唔敢四圍去,她說:「我屋企個窗好細,唔使點黐膠紙,都應該安全,前兩日已經去咗超級市場入貨,買咗啲杯麵之類,成個雪櫃塞爆咗。」

 

上一條下一條