明日花Rose Ma睇戲爆超cup胸戰

(先機網報道)日本人氣女優明日花綺羅早前來港,與港版「暗黑明日花」Rose Ma ( 馬俊怡 ) 同場正面交鋒,一齊拍攝神秘廣告。今日謎底終於解開,原來這對哎吔「twins」係拍攝本地網絡平台 hmvod 廣告 ( 官方 video 網址:goo.gl/2PvPoy ),同場仲有改篇自向西村上春樹之原創劇《向西聞記》之四大猛男包括《咖哩雞》的張建聲、《食女性地嘉亨灣》的趙永洪、《獨男愛的故事》岑珈其及《因為寂寞所以健身》的肥腸 ( 徐浩昌 )。
廣告內,一開始就見到正在浸牛奶浴、飾演家姐的明日花露出一雙玉腿睇 iPad,妹妹 Rose 就喺大廳瞓梳化睇 hmvod,一路睇一路 high,呻吟聲即刻引來住隔離左右的張建聲、肥腸、珈其同大廈「實 Q」趙永洪門口偷睇,最後一仆一碌衝埋入屋,同着住性感 tube 及短褲仔的兩姊妹一齊睇戲。入鄉隨俗的明日花更以日式廣東話講了兩句對白:「咩事咁嘈呀?」、「我想睇愛情動作片多啲!」。
出名身材火辣勁爆的明日花和 Rose,於片中齊齊着迷你白色 tube top 上陣,性感程度令人鼻血直流,Rose 謙稱身材唔及明日花,「佢身材好好多,我好多肉架,佢骨架真係細。」最搞笑係身為 KOL 的 Rose 身經百戰,但對住明日花忽變小fans,驚驚青青怕怕醜醜,不過她就猛讚對方五官精緻好靚女。
明日花雖然言語不通雞同鴨講,但工作態度非常專業,浸浴缸浸了接近一個鐘,水由熱變凍再加熱又變凍都冇怨言,中途還吃了一碗雲吞麵增添 energy。而首次來港的明日花既親切又友善,當日更被幾位拍檔不停集郵留念。
上一條下一條