《 2 9 + 1 》以純港片姿態斬穫三大獎項。
周秀娜榮獲「年度女演員」殊榮。
大會宣佈她獲得「年度女演員」時,Chrissie感到既意外又興奮。

周秀娜登影后口震震

憑《29+1》榮獲年度女演員

(先機網報道)由彭秀慧原著並執導的《 2 9 + 1 》,在昨晚 (12/9 ) 於寧波慈溪市體育館舉行之第六屆海峽兩岸三地《十大華語電影盛典》上,以純港片姿態斬穫三大獎項,包括「年度優秀電影」及打入「十大華語電影」,女主角周秀娜 ( Chrissie ) 更憑《 2 9 + 1 》榮獲「年度女演員」殊榮,與《血觀音》的惠英紅雙雙封后。
 
Chrissie 日前在美國出席紐約時裝周後,即趕搭飛機前往寧波,昨晚她身披性感晚裝戰衣現身參加頒獎禮,當大會宣佈她獲得「年度女演員」時,Chrissie感到既意外又興奮,她在得獎後說:「之前我做訪問,或者喺自己嘅網絡平台同其他頒獎禮上,雖然《 2 9 + 1 》入咗圍,但自己一路冇機會上台多謝團隊同《 2 9 + 1 》嘅工作人員、導演、演員。今次上到台親口同佢哋講多謝,真係好開心,所以噚晚自己攞獎時有啲口震,好激動。我記得喺角逐金像獎時,身邊朋友都好支持我,我好想話俾佢哋聽,多謝佢哋嘅支持,我要同大家分享呢個獎。」
 
今次《 2 9 + 1 》在頒獎禮上連獲三個獎項,身在現場的 Chrissie 真的百感交集,因為《 2 9 + 1 》實在帶給她無限回憶,也讓她成長起來,「其實我最開心嘅係《 2 9 + 1 》由最初嘅百幾部電影入面,入到十大華語電影嘅其中一部,聽到宣佈時真係好開心,好戥成個團隊高興;同埋呢部戲除咗香港有好成績外,係好多唔同地方嘅觀眾都鍾意呢部戲,《 2 9 + 1 》帶咗我去好多地方,俾咗更加多嘅人去認識我嘅作品。」
 
「個個都話 29+1 係人生另一個土星周期、轉捩點,喺我 29+1 時拍到呢部戲,我覺得佢係帶咗我去另一個階段,希望自己都好似部戲所講,『由零開始』,每一個階段都係新階段。我深信今年對我嚟講,或者嚟緊即將開展嘅事業都係,我會繼續努力,同埋保持初心。
 
第六屆海峽兩岸三地《十大華語電影盛典》是經國家新聞出版廣電總局電影局批准,由中國台港電影研究會、中國電影評論學會主辦,華語萬映文化傳媒(北京)有限公司承辦,香港電影工作者總會、台灣兩岸電影交流委員會、台灣中國影評人協會聯合主辦的海峽兩岸三地電影文化交流活動,是目前唯一由中國大陸、香港、台灣三地電影界聯合舉辦的華語電影盛會。今年獲得提名的華語電影共有19部,《 2 9 + 1 》是唯一一部入圍的純港片。在此之前,《 2 9 + 1 》已在世界各地的影展及頒獎禮上獲得多項佳績 ( 詳見附表 ),為香港製作爭一口氣。

 

上一條下一條