人氣急升的Raymond,再次化身的士司機。

揸的士遇燥底乘客

趙永洪俾陳詩慧鬧爆

(先機網報道)趙永洪(Raymond)同陳詩慧(Eva)日前在大角咀為一間機構拍攝宣傳片,憑《降魔的》中「些粉」一角而人氣急升的Raymond,再次化身的士司機,Eva就飾演燥底乘客,期間乘坐的士、遇上表示要「交更」而不願過海的司機,被Eva鬧到一面屁!她笑言發惡時連自己都驚呀。
Raymond的士司機形象深入民心,所以再獲邀請拍攝宣傳片,今次扮演一個性格溫馴的司機,巧遇燥底蠻不講理的乘客Eva,Raymond表示:「我係一個人見人愛同樂於助人嘅的士司機,就算交更時遇上過海乘客都唔會拒載,哈哈!期間雖然俾Eva鬧爆,但都好有耐性咁完成服務。」
創作歌手Eva近年參與不少電影拍攝,去年於話題性港產片《西謊極落:太爆.太子.太空艙》中,一人分飾OL、時鐘酒店接待員等多個角色,今次則在宣傳片中扮演燥底乘客;她笑說已一早準備好,將平日被的士拒載的心情,發洩在Raymond身上!
談到工作方面,Eva表示:「依家係多咗音樂以外嘅工作,因為多咗導演欣賞我嘅演出而多咗拍攝工作,我會繼續努力。」
上一條下一條