主演新戲5天破千萬點擊

鄧健泓咀Jeana搞喊石詠莉

(先機網報道)由鄧健泓(Patrick)、Jeana何佩瑜、李天翔與白健恩等主演的新戲《掃黑神探》,8月28日早上10時在騰訊視頻上架,短短5天已衝破1,000萬點擊,目前最新數字已超過1,159萬!成功背後,鄧健泓付出唔少,仲因為戲中同Jeana有嘴戲,而搞喊老婆石詠莉。
 
鄧健泓繼近年與林峯及苗僑偉等拍攝《使徒行者》,飾演總督察「葉兆良」受到好評後,在新片《掃黑神探》再做員警、飾演重案組探員「林祥」;他曾深入社團做臥底、跟Jeana相戀,兩人更有接吻鏡頭!談到與Jeana的親熱戲,Patrick笑言被拿走了銀幕上的第三次接吻,而最意外是老婆石詠莉的反應。鄧健泓說,「同Jeana輕吻嗰幕好難忘,唔係因為能夠吻佢嘅紅唇,而係拍完之後同老婆報告,佢竟係喊到好似個小朋友咁,哈哈!」
 
電影上架短短5天已破千萬點擊,不少網民亦大讚鄧健泓的演出,「終於等到鄧健泓的作品了……挺喜歡的」、「李竟真的是個狠角色……還好最後被健泓制服,很值得觀看」。不過鄧健泓卻謙虛地表示,「因為自己已經一段時間冇電視或電影作品,今次有呢個成績真係好驚喜,要多謝製作團隊嘅努力,感謝各位觀眾睇到我哋用心演出,實在好鼓舞。」
 
今次取得佳績,令鄧健泓更了解網絡電影文化同趨勢,他還有意自己製作網絡電影或者電視劇。至於點同電影人員慶祝,鄧健泓話會等監製同導演安排,「我同一齊演出嘅李天翔都好開心,因為每天都收到朋友和觀眾嘅祝賀,仲有點擊報告,哈哈。」此外,鄧健泓目前正積極籌備新歌,「係一首搖滾味較重嘅歌曲,希望大家會喜歡。再一次多謝大家,給予我嘅存在感,我會好好珍惜每一次嘅機會。」
上一條下一條