一次過合格考取車牌,令 Justin 大叫感恩!
今次有兩個師傅李萬祺同 Sam 哥協助。
Justin今次去考賽車牌都有好大壓力。

張建聲冒雨去珠海考賽車牌

 (先機網報道)興趣多多的張建聲 (Justin) 除了踢足球同玩健身外,早前又去學潛水,最勁係突然去珠海學揸賽車,雖然學車時突然落大雨,影響駕駛的能見度,但亦無阻考取賽車牌的決心,仲可以一次過合格考取車牌,令 Justin 大叫感恩!
 
Justin 擁有車牌多年,但平日極少揸車,所以今次去考賽車牌都有好大壓力,「我已經有兩年冇揸車,去到賽車場上堂先知好大壓力,因為車內設備、衣服、揸車時入彎路線同埋要記住地圖,最重要係要聽教練講,好彩今次兩個師傅係李萬祺同 Sam 哥,佢哋都好有經驗咁帶領我。」
 
要考賽車賽都不是輕鬆事情,過程要經賽車會考核同批准,再去賽車場考三個環節,雖然如此亦無阻考賽車牌的決心,Justin說:「考賽車牌好大原因係希望將來喺電影拍攝度用得着,仲有係因為從小嘅願望係想突破自己,雖然去到第三節時突然落大雨,但都冇影響到我考車牌嘅決心,因為考牌師傅講就算幾大雨都好,一日未揮黑旗,車手都要不停鬥落去,感覺好似人生不斷戰鬥。」
上一條下一條