鎮宇扮演的香港CID,連他亦形容為係條躝癱。

躝癱刑警食到嘔

肥鎮宇連啪五碗麵

(先機網報道)導演邱禮濤執導之暑期頭炮最強港片《洩密者們》,已定於下星期四 (21/6) 隆重獻映。集犯罪、動作、劇情於一爐的《洩》片內,經典組合吳鎮宇和張智霖 (Chilam) 所分飾的港、馬探員各有性格型到裂,演出光芒四射。
 
鎮宇扮演的香港CID,連他亦形容為係條躝癱,其角色投入查案的程度去到不惜榨乾自己,但無賴得嚟又火爆兼有智慧,牽動到觀眾情緒,個個都睇到戥佢攰。事實上鎮宇今次亦為藝術犧牲,除了特登留長頭髮及染成金啡外,又故意增肥加添頹廢佬味,戲內他和 Chilam 去港式麵檔撐枱腳一幕不得了,鎮宇連啪五碗麵,每次都近乎一啖過食晒成碗麵,拍完之後都咪話唔攞膽。
 
該場戲講述鎮宇帶大馬警員 Chilam 到麵檔開飯,拍時其實非常順利,近乎沒有NG,但因為要拍攝不同角度,所以鎮宇堅係硬食幾碗麵,全部食到碗底朝天,提起這場戲,鎮宇就笑說:「嗰場戲係要咁食嘢,一啖過食晒,之前都有心理準備,但食完真係好飽,再食就嘔架啦。拍呢套戲成日食,拍戲又食,去大馬時又食好多麵同食榴槤,真係肥咗。」

 

上一條下一條