驚嘆譚小環凍齡神技

鎮宇增肥凸腩演技大爆發

( 先機網報道 ) 吳鎮宇在下月21日上畫的警匪劇情新片、邱禮濤最新力作《洩密者們》中,飾演一名香港辣警,夥拍扮演大馬刑警的張智霖 (Chilam),一同調查疫症背後的驚天大陰謀。今次鎮宇在演繹上非常到位,其角色智勇雙全,是個無視安危、只會揸乾自己日以繼夜用盡所有方法不停查案的狂人,相當瘋癲,所以他全片打扮不修篇幅,為配合角色更專登留長頭髮及染成啡金,甚至故意谷肥凸出肚腩。
鎮宇說:「我係特登搞啲頭髮,同埋係有增肥,肥幾多唔知,係想有啲肚腩,咁會同個角色更加match。同埋戲入面我同小環係兩公婆,呢次佢唔係賣魚蛋,係做madam,但佢好犀利,咁多年都冇變,都係咁嘅樣。」片內鎮宇就係掛住打老虎同追查洩密者們的身份,忙到有家歸不得,因而成為他和老婆譚小環婚姻破裂的導火線。失婚差佬有幾咁辣,打人追車,茶煙當飯,食麵一啖過,鎮宇的演繹完全入型入格。 
原來這次是鎮宇同小環首結片緣,小環拍《洩密者們》亦過足戲癮,她說:「其實我都有客串過幾部電影,而家接戲多數會揀自己喜歡的角色先去接,與邱禮濤導演再次合作我覺得好開心,他是一個好有耐性,禮貌,好勤力的導演!鎮宇係首次合作,演技非常出色,好容易帶領到我入戲,能同以上兩位合作我感到非常榮幸。」

 

上一條下一條