回想當日至親離開又爭人周身債,Justin 不禁哽咽。

爭20幾萬卡數賒借度日

張建聲哽咽自勉:冇磨練冇今日

(先機網報道)35歲的張建聲 (Justin) 入行 8 年,從閒角到主角、再到去年憑網劇《反黑》飾演「招積」一角爆紅。以上兩句講完的歷程,其實背後滿載辛酸和淚與汗,但為了追尋理想,他咬實牙關死頂,結果捱到《反黑》,才終於在演技上獲得認同。
Justin 與不少港人一樣,為了追夢,一直堅持、付出和犧牲,日前他拍攝安信信貸廣告 ( goo.gl/57sJpM ),就藉着自己在娛樂圈八年抗戰的真實故事,跟一位夢想做演員的素人女生分享捱騾仔經歷。年前 Justin 增肥 60 磅演出《壹獄壹世界:高登闊少踎監日記》,之後減肥拍《反黑》,幾度漂染搞到甩頭頭,至去年又增肥拍《真‧三國無雙》扮張飛,總之每次拍戲都去到盡,但誰又料到《反黑》之前,他竟然霉到盡。
人生最難捱的時候,是 Justin 父親的離世,他憶起亡父即眼泛淚光,「爸爸早幾年離開咗,係喺我事業衝刺嘅時候離開。當時我拍緊《壹獄壹世界》要增肥到 200 磅,已經冇收入又要增肥;爸爸當時癌症末期,每個月都要呃住媽咪,又要攞錢返屋企撐住頭家……自己又唔生性、冇儲錢,結果爭落廿幾萬卡數,好大壓力。」幸好 Justin 很快覺悟,奮發向上擔起頭家,到「招積」彈出後名利齊來,並獲得入行以來的首個演藝事業獎項。
回想當日至親離開又爭人周身債,Justin 不禁哽咽說:「嗰段時間賒借度日,連一百蚊都要問人借,街都冇得去,有時連踢波嘅搭車錢、有冇錢買水飲都要諗埋,一個成年人窮嘅狀況去到咁,都真係去到好盡;但嗰時日日喺屋企睇戲,諗吓點樣做好工作,結果我還咗幾年先還晒啲卡數,但感恩嘅,冇以前嘅磨練就冇今日嘅自己。」Justin 稱他很喜歡這個廣告,因為夠真實,雖然鏡頭前他講到喊,但因湊巧是素人女角生日,所以 Justin除了送蛋糕外,鏡頭後亦親自落廚請對方食西餐,並聯同導演趙善恆及工作人員為她賀壽。
上一條下一條