子華神與佘詩曼主演《棟篤特工》。

子華神洗脫票房毒藥之名!
《棟篤特工》單日狂收270萬

(先機網報道)棟篤賀歲,特工救命!由黃子華、佘詩曼、C君、蘇麗珊及鄧月平主演的港產賀歲猛片《棟篤特工》今日年三十晚正式上映,不過昨日情人節的《棟篤特工》優先場,票房已爆到「冚冚聲」!單日狂收$2,551,915,而連同澳門數字、總票房則為$2,702,789,成績驕人!
子華神早年一直被戲稱為「票房毒藥」,沿於其2002年作品《一蚊雞保鏢》,總計票房為$175,580,而今次備受期待的《棟篤特工》,只計優先場的單日票房數字,已超過當年《一蚊雞保鏢》15倍!子華神「票房毒藥」之名,相信係時候洗脫喇!
事實上,《棟篤特工》票房報捷外口碑亦佳,不少觀眾睇完紛紛在網上發帖大讚,「真心正&好多熟悉面孔,最重要嘅係,子華神可以一雪前恥」、「黃子華嘅作品就係貼地同有哲學嘅品味」、「真係由頭笑到落尾」、「好好睇,好好笑,好想拍手掌」……《棟篤特工》,你今日睇咗未呀?

上一條下一條