Patrick 夫婦身處馬爾代夫其中一個小島。
人算不如天算,竟然撞正當地爆發政治危機,全國進入緊張狀態。
Patrick 就表示暫時一切安好,大家不用擔心!

馬爾代夫度蜜月遇政變

鄧健泓偕妻半夜入院

(先機網報道)鄧健泓 (Patrick) 和石詠莉 (Sukie)去年底結婚後,直到前日兩公婆才起程去馬爾代夫度蜜月,同時亦因為 Patrick 會在今年 4 月舉行演唱會,農曆新年後就一直忙搞開騷事宜,所以一早 mark 定時間出 trip,趁開騷前放盡同 Sukie 好好享受假期,但人算不如天算,竟然撞正當地爆發政治危機,全國進入緊張狀態。
 
唔少朋友即刻 whatsapp 問候 Patrick 和 Sukie,Sukie 昨晚已在 facebook 報平安,Patrick 就表示暫時一切安好,大家不用擔心,Patrick 說:「我哋前晚到咗馬累,要住一晚酒店先嚟依家呢個 resort,但一去到馬累,係好奇怪地見到防暴警察同水馬擺喺酒店門口,我有問過啲當地人,佢哋就話有抗議事件,但瞓咗一晚之後,真係唔好彩,Sukie 扁桃線發炎,我哋要去馬累嘅醫院睇病,當時係凌晨四點幾,醫院都冇咩人,我哋好安然睇完醫生攞咗藥就返酒店。噚日朝我哋喺酒店出發,見到有警察喺市中心,我哋都係照上船返機場去 resort,暫時一切正常。」
 
現時 Patrick 夫婦身處馬爾代夫其中一個小島,一切平安,Patrick表示,「暫時都好寧靜,冇嘢發生,運作好正常,啲人好似唔太擔心,都好有禮貌、好有 service;Sukie 噚晚食藥之後好好多,都有精神,係有啲喉嚨痛,好彩帶咗佢去醫院,因為之前扁桃線發炎會令到佢發燒。」今日 Patrick 更在 fb 貼上太太「影後」相,以示兩人平安無恙,Patrick 並感謝親友們的關心。

 

上一條下一條