獲提名角逐「最佳女主角」的周秀娜則表示好開心,真係多謝!
彭秀慧原著及導演的電影版《29+1》,獲得「最佳導演」(彭秀慧)提名。

《29+1》獲金像獎7項提名
周秀娜爭影后 欣宜競逐女配角

(先機網報道)《第37屆香港電影金像獎頒獎典禮》今日公佈正式提名名單,彭秀慧原著及導演的電影版《29+1》,獲得「最佳導演」(彭秀慧)、「最佳女主角」(周秀娜)、「最佳女配角」(鄭欣宜)、「最佳編劇」(彭秀慧)、「新晉導演」(彭秀慧)、「最佳原創歌曲」(《Fake a Smile》)及「最佳原創電影音樂」(黃艾倫、翁瑋盈)共7項提名,成績驕人!
位列去年香港電影十大最高票房的《29+1》,可謂叫好又叫座,對於獲得金像獎多項提名,導演彭秀慧說:「好開心、好意外,見到有咁多提名,對我嚟講係非常之驚喜;某程度上我預咗周秀娜會入圍,當欣宜一齊入圍女配角時,我好興奮。另外仲有原創音樂同主題曲,我係好希望佢哋得到認同,佢哋順利入圍我好開心,開心到喊;至於我個人獲得三個提名,真係太意外,好耐冇試過呢種興奮嘅感覺,入圍已經係一個肯定,多謝投票俾我嘅朋友,我會隨遇而安,繼續準備好《29+1》舞台劇。」
在片中飾演「林若君」、獲提名角逐「最佳女主角」的周秀娜則表示:「好開心,真係多謝!我冇諗過自己會咁激動,絕對係呢個新年最好嘅禮物!本身係希望《29+1》有多啲提名,更開心係導演、欣宜都獲得提名,我好想恭喜佢哋;Joyce頭先打俾我時我都知咩事喇,本身冇咁激動,但不斷收到恭喜訊息就越來越感動!最開心係整個團隊有唔少提名,我要多謝《29+1》工作人員,因為佢哋付出咗好多,我哋先有呢部作品帶俾大家。」
競逐女配角的欣宜說:「真係估唔到,我記得拍攝時係做緊《女神》呢首歌,同《Joyce》呢隻碟,我同導演彭秀慧講,死啦,我唔係演員,好驚,跟住佢俾咗好多信心我。佢喺我心目中係最佳導演,如果唔係佢,我唔會有信心去做到黃天樂呢個角色。我完全冇諗到會得到提名,所以覺得呢件事好癲、好癲呀!」
事實上,由彭秀慧自編自導,周秀娜、鄭欣宜、蔡瀚億和楊尚斌主演的《29+1》,由前年至今在多個不同國家的影展及頒獎禮屢獲殊榮(見附表),例如早前台灣影評人舉辦的《2017第六屆高登電影獎》(華語電影),《29+1》獲選為「華語電影最佳改編劇本」(彭秀慧),周秀娜更壓倒勁敵《玉觀音》的惠英紅和《相愛相親》的張艾嘉等,贏得「華語電影最佳女主角」。而在《第24屆香港電影評論學會大獎》中,《29+1》亦獲選為「推薦電影」。
另外,同屬hmv數碼中國集團有限公司出品的《小男人週記3之吾家有喜》,在電影中有亮眼演出的鄧月平(Larine),亦獲提名「最佳新演員」;連同《29+1》的7大提名,hmv數碼中國集團榮獲今屆金像獎8項提名,成績令人鼓舞。《第37屆香港電影金像獎頒獎典禮》將於4月15日星期日晚,在香港文化中心大劇院舉行頒獎儀式。

附表 :
電影《29+1》部份佳績
●2018年2
第37屆香港電影金像獎
-最佳導演提名(彭秀慧)
-最佳女主角提名(周秀娜)
-最佳女配角提名(鄭欣宜)
-最佳編劇提名(彭秀慧)
-新晉導演提名(彭秀慧)
-最佳原創歌曲提名(Fake a Smile)
-最佳原創電影音樂提名(黃艾倫、翁瑋盈)

●2018年1月
第24屆香港電影評論學會大獎
-推薦電影
-最佳導演提名(彭秀慧)
-最佳編劇提名(彭秀慧)
-最佳女演員提名(周秀娜)

●2017年12月
2017第六屆高登電影獎(華語電影)
-華語電影最佳改編劇本(彭秀慧)
-華語電影最佳女主角(周秀娜)

●2017年6月
-加拿大第15屆Female Eye Film Festival提名:最佳外國電影

●2017年6月
-入圍《2017台北電影節》「亞洲稜鏡」(Asian Prism)單元

●2017年3月
尼斯國際電影節提名
-最佳外語劇情片(Best Foreign Language Feature Film)
-最佳導演(外語劇情片):彭秀慧(Best Director of a Foreign Language Feature Film ─ Kearen Pang)
-最佳原創劇本(外語劇情片):彭秀慧(Best Original Screenplay of a Foreign Language Feature Film ─ Kearen Pang)
-最佳女配角(外語劇情片)(Best Supporting Actress in a Foreign Language Film ─ Joyce Cheng)

●2017年3月
-《大阪亞洲電影節2017》壓軸大獎「觀客賞」
-入選《克里夫蘭國際電影節》(Cleveland International Film Festival)

●2017年2月 
-美國《Sedona International Film Festival》榮獲「主席評審獎:最佳劇本獎」(Directors' Choice Awards: Bill Muller Excellence in Screenwriting Award)

●2016年
-香港亞洲電影節閉幕禮電影:《香港亞洲電影節2016》閉幕禮電影

上一條下一條