第一次踏足德國的 Celine 和妹妹 Dion 亦在父母陪同下逛杜塞道夫的商場和市集,結果 ─ 要買到拖篋而歸。

Celine幫妹妹笠高帽

德國買貓篋預賀聖誕

(先機網報道)譚芷昀 ( Celine )上星期到德國為德國樂壇天后 Helene Fischer 擔任一連兩場的演唱會嘉賓,反應非常熱烈,雖然此行來去匆匆,但第一次踏足德國的 Celine 和妹妹 Dion 亦在父母陪同下逛杜塞道夫的商場和市集,結果 ─ 要買到拖篋而歸。
當日 Celine 兩姊妹行商場已經好開心,因為場內有晒小朋友最鍾意的各式玩具,又有恐龍、大笨象等巨型擺設和聖誕裝飾,兩位小朋友攬完啤啤熊又同隻象影相冇時停,期間當她們經過買帽的櫃位時,隨即model上身試戴帽子,Celine 仲親自為妹妹戴 cap 帽,但 Dion 冇咁大個頭就戴咗好大頂帽,行兩步後 cap 帽自動滑落,遮晒全塊臉,真係好搞笑。
Celine 在行商場時已對一個綠色貓貓篋情有獨鍾,但十五十六未扑鎚,至翌日她和德國粉絲聚會,粉絲送贈她很多禮物,最後爹哋媽咪就帶 Celine 去商場買貓貓篋裝禮物;之後一家人在市集行了一圈,Celine 又買了一張手織的七彩波波地氈;熱情的地氈檔主還教 Celine 講德文,讓她可以去隔離的小食檔操德文買薄餅,所以今次德國之旅非常充實,Celine 亦感受到當地的節日氣氛。
上一條下一條