網劇《反黑》在優酷及 YouTube 每晚12點免費睇同步播出。
Justin 對於網民的讚賞當然開心。

1.5億點擊網劇正邪對決
張建聲見小春崩潰贏like

(先機網報道)網劇《反黑》在優酷及 YouTube 每晚12點免費睇同步播出,至今全國點擊率已超過1.5億,走勢凌厲之餘,張建聲 ( Justin ) 飾演的黑幫大反派「招積」更火速跑出,被網民大讚其角色夠狠夠黐筋,而且 Justin 拚命上陣,場場打戲唔錫身;去到昨晚播出的第五集 ( https://www.youtube.com/watch?v=8wS3vPfdOzQ&t=3s ),網民最期待的畫面終於出現 ─ 就係正邪對決。
故事發展到「招積」出監及上位做大佬後,一直忘毋要搵陳小春飾演的警方臥底「鳳凰哥」報仇,今集講到小春踩場,向來癲喪、連槍殺大佬B吳志雄都唔眨眼的 Justin 重遇小春這位曾經令他無比崇拜的「假大佬」,激動到又驚又震又淚盈眶但又扮勁死頂,臉部肌肉和嘴唇都在顫抖,這場戲播出後,唔止大批網民俾 like,讚 Justin 演技大爆發,更獲內地報道分析 Justin 的演技層次。
Justin 對於網民的讚賞當然開心,他說:「多謝網民咁支持『招積』呢個角色,我嘅微博同 facebook 信箱都爆晒留言,好感恩地一一多謝大家。招積呢個悲劇人物有好多故仔,有啲國內既留言係話未見過一個壞蛋,係唔會憎同埋同情佢,播到今集『鳳凰』、『招積』第一次再見番,我當時拍呢場戲真係好嬲、好憎『鳳凰』,精神狀態直情崩潰,眼淚榔住,又唔可以喺『鳳凰』面前失威,又好揪心咁諗呢兩年坐監日子點過,我認為演員間互動,嗰場戲係有晒,大家一 action 係非常真情流露。」
現時連內地網絡都勁讚 Justin 好戲,Justin 謂也見過有關其角色的分析報道,他笑說:「係好詳細分析角色,交代晒俾觀眾聽,『招積』搞咁多嘢都係想得到『鳳凰哥』尊重,佢好似小朋友咁做錯嘢,特登喺大人面前擾攘,到大人見到佢又笠水,呢個上下把嘅做法係好好睇,我同小春都非常滿意,演員間真正互動其實先係成部戲靈魂。」

上一條下一條