今次更由好友雷頌德任監製兼攝影師。

蘇永康 推出Hi-Fi發燒天碟

 (先機網報道)蘇永康 推出Hi-Fi發燒天碟《LOVE FROM THE LAST CENTURY》,於8月11日正式上架,碟中翻唱10首上半個世紀的經典情歌,今次更由好友雷頌德任監製兼攝影師, 為了準備影唱片封套件靚衫蘇永康被賢內座鬧到飛起,因為要太太在24小時內幫手搵衫!

蘇永康(阿公)是首次推出Hi-Fi發燒天碟《LOVE FROM THE LAST CENTURY》,阿公表示,改這個碟名是黃偉民提議的,因為今次他選唱的歌大部份是情歌,而且是上半個世紀的情歌,用LOVE 來做歌名較適合。雷頌德(Mark)則表示,碟中十首歌都是他們鐘意的歌,最有意思是他們後生時期的愛情故事,加上他們對香港音樂的愛,而且今次揀選的歌全部是他們所尊敬歌手主唱的,他們希望用愛去唱出這種情懷。

阿公今次的天碟由阿Mark一手包辨,連封面攝影師也是他操刀,阿公笑說:「阿Mark自從同黎明影咗本影集之後成為攝影師,佢近幾年不停影相,係好專業攝影師,所以要邀請佢影封面!」阿公講到要物適一件靚衫拍封面,早前他在網上由外國訂購一件大褸,但遲遲未有運來港,有次他和太太去日本旅行,在時裝店內見到這件衫,他才發現這件大褸還未有寄給他,於是他便出動太太與該網站理論,阿公笑說:「不過我就畀太太鬧到呢!好在太太識得時裝,最後在24小時內運送到港! 」

對於阿公等了6年才有機會出HI-FI天碟,Mark覺得蘇永康的名字就是與靚聲拉上關係,他表示,今次揀選的歌係多年前的歌,雖然阿公是翻唱別人的歌,但是阿公有自己一套唱腔方法去演繹,很有個人風格,Mark又說:「其他歌手都有推出過發燒碟,有啲會揾大樂隊伴奏,不過今次請咗好多不同音樂人合作,有啲只係來香港渡假,我都捉住佢哋要嚟幫手玩一首歌,我又用咗好多樂器去配合,感覺係阿公同樂器一齊對唱咁,成張天碟我哋係冇班底。」至於阿公笑說:「我自己構思咗好耐有好多歌想唱,因為樂壇有好多好歌,我經常諗如果自己唱到呢啲歌就好,今次嘅錄音時間,相信係我入行31年嘅唱歌生涯中錄得最快,一次,喺2個月內完成,通常要錄幾個月時間,因為唔使等作曲填詞,可以好快完成,加上我冇賣弄任何唱歌技巧,一切自然咁唱,不過真係用咗好多樂器去演奏!」

上一條下一條