草蜢早前為LIVE GOES ON GRASSHOPPER 2017 世界巡迴演唱會拍攝宣傳海報。

草蜢延續飛躍舞台夢

(先機網報道)《LIVE GOES ON GRASSHOPPER 2017 草蜢世界巡迴演唱會》,已定於11月5-8日紅館舉行,草蜢繼三年前舉行的《BE THREE演唱會》後,今次以LIVE GOES ON為名,延續草蜢飛躍舞台夢!今日(10日)正式接受優先訂票,為了在演唱會上他們要跳得起,所以要由肥蜢變做瘦蜢,最緊要有靚body示人!

草蜢早前為LIVE GOES ON GRASSHOPPER 2017 世界巡迴演唱會拍攝宣傳海報,是以三蜢大頭為主,再加玩迷幻色彩效果,蘇志威表示,他們由現在開始一直要Keep到11月,演唱會,他們要精神奕奕兼最佳狀態示人,要保持靚身材當然不容有失!蔡一智則表示,今次的海報構思很有迷幻舞台感覺,無論過去現在,最好最壞也要向前看,所以live也一樣,草蜢的音樂要奔放live goes on ,跟住要叫大家come on看演唱會!

草蜢在舞台上一向對自己要求高,在聽覺及視覺效果上一定不會令人失望,蔡一傑笑說:「形象指導朱祖兒叫我哋要瘦,千祈唔好大隻,因為今次啲衫唔能夠肥,只要有小小肥企喺舞台上係唔好睇,我哋唔可以做肥猛,一定要做瘦蜢。」在旁的蔡一智搭咀說:「唔夠瘦做唔到草蜢!」

今次演唱會草蜢會推出新碟,同時傑仔亦推出個人專輯,傑仔說:「上一張個人碟已經是13年前嘅事,相隔13年我覺得自己嘅歌更成熟及有深度,而且擴濶咗自己嘅想象空間,有時音樂好難用言語來表達,我哋三個喺呢次演唱會及專輯都有唔少新構思!」近期傑仔的新歌「流淚的怪獸」已成為商台叱咤流行榜冠軍歌曲!

上一條下一條