Jacquelin表示,拍《西》片的確很愉快。
電影內其中一幕講述五條艙友無意中捲入一宗有錢女綁架案,因而引發連串風波。
阿驄仲搞到噴晒口水。
炒車反轉再反轉,眾人在車廂四圍碌,混亂中林敏驄更一頭撼向莊思敏胸部。

五福星護拋胸莊思敏

林敏驄頭槌撼波圖

(先機網報道)改篇自《一路向西》原作者向西村上春樹另一力作之超爆笑暑期猛片《西謊極落:太爆‧太子‧太空艙》,鐵定下月10日空降港、澳兩地隆重上映,廣邀全城睇好西。《西》片內容除了反映香港寸金尺土之嚴重住屋問題外,亦帶出星斗市民為搵兩餐努力拼博但仍生活迫人的苦況,故事貼地兼爆笑。
 
片中周柏豪、林敏驄 (大師)、林盛斌 (Bob)、蔡瀚億 (BabyJohn)、張繼聰及歌基犬阿叻,五人一狗迫住豆腐膶太空艙,生活雖然草根,但因為各有艱難而造就深厚友誼。電影內其中一幕講述五條艙友無意中捲入一宗有錢女綁架案,因而引發連串風波,早前一眾演員於元朗下白泥拍攝這場綁架煞科戲,電影公司老闆蕭定一與合資方愛奇藝代表李岩松和冼國華均到場支持,與台前幕後開香檳慶祝煞科,蕭定一還笑言:「呢套戲一定大賣,個個都咁旺,一個有咗(Bob),一個生咗(張繼聰)。」
 
煞科當日,劇情講述五艙友保護飾演有錢女的莊思敏(Jacquelin),豈料中途炒車,車輛反轉再反轉,眾人在車廂四圍碌,混亂中林敏驄更一頭撼向莊思敏胸部,搞到噴晒口水。由於當晚熱到抽筋,加上在荒山野嶺,非常熱辣辣,幾位演員都不斷噴蚊怕水及補水噴霧,雖則拍戲過程又要通頂又熱又多蚊,幸好大夥兒拍得開心,成晚笑唔停,林敏驄更將該場戲的部分片段及花絮搶先曝光,upload到其facebook專頁「林敏驄 アンドリュー・ラム 春核大聯盟」(https://www.facebook.com/Andrew.Lam.Fan.Fun/videos/1699495083693620/)。
 
Jacquelin表示,拍《西》片的確很愉快,「因為幾乎每一個對手都合作過,係大師冇合作過,佢個人very nice,好搞笑,阿Bob同柏豪合作最多,阿聰又拍過劇,開工似聚舊,大家都好多嘢傾。我今次個角色幾得意,係一個刁蠻有錢女,但冇腦到一個頂點,會炫富,結果俾人綁票,過程中遇到呢幾個太空艙室友,但佢哋救我之後反而發生好多意外。雖然全部都係夜班,但唔係太辛苦,過程拍得幾開心,希望票房好啲開續集,同呢班人繼續一齊玩。」
上一條下一條