自問素來沒有抽獎命的Winnie更幸運抽得派對二獎興奮莫名。
雷晴雯Winnie日前以一身芭蕾仙子造型出席星級飄眉師Carey Cheung位於置地廣場的新店開幕派對。

Carey Cheung進駐置地開分店

雷晴雯芭蕾仙子賀好友中二獎

(先機網報道)雷晴雯Winnie日前以一身芭蕾仙子造型出席星級飄眉師Carey Cheung位於置地廣場的新店開幕派對,自問素來沒有抽獎命的Winnie更幸運抽得派對二獎,並由好友Carey親自為她揭曉,剎那間Winnie與Carey 兩人即時開心得齊聲尖叫,令全店興奮莫名。

兩人笑曰彼此堪稱KOL好戰友, Winnie憶述:「當年為了考畢美容纖體Diploma,打兩份工嚟半工讀,日頭返學,放學先喺學校附近嘅Cafe捧完餐,夜晚再喺大學同學開嘅酒吧做侍應至清晨五點,每日都瞓唔到五個鐘,幸而終於都撐得到以『優異生』畢業。」Carey亦笑言當日揀入呢行時亦被親人多番勸阻:「畢竟飄眉水晶唇都屬 Tatoo,又針又刀又要用麻醉膏,加上啲工具外行人睇落都有少少嚇人,屋企人點都會擔心萬一整傷客人咁點算。」今時今日,兩人用了十年時間終於齊齊闖出名堂,同為基督徒的Winnie與Carey同聲表示,努力多年的專業終獲各方認同實在無比感恩。

Carey現既要返學校教班,又要睇住新店,兩邊走完全忙到甩碌,Winnie亦不遑多樣,既要為其藝文頻道做專訪趕稿、搞埋舞蹈推廣宣傳之餘近期又跳返芭蕾舞,嚟緊仲話會有其他幕前演出,兩人笑言現在忙到連想彼此通個電話都像不停「捉迷藏」般,但卻由衷為彼此高興,更表示真正友情是在心中,祝福對方越忙越好。

上一條下一條