當中女主角之一的佘詩曼,以一條仙氣露肩薄紗魚尾裙現身,艷壓全場。
張智霖表示最難忘係要肢解林家棟。
張智霖、阿Sa蔡卓妍、佘詩曼、林雪、雨僑,今日齊齊在上海出席發佈會鬥講鬼故。
阿Sa表示自己細細個已經睇過《陰陽路》系列,但其實好怕睇恐怖片,即使依家都唔敢睇。
林雪講到自己角色同套戲有關嘅道具係黑膠碟,用國語講出「稀鳩碟」時仿似講粗口,全場大笑。

《常在你左右》年底上畫

Chilam肢解林家棟

(先機網報道)港產片經典《陰陽路》系列,新作《常在你左右》今年上映,一眾演員包括張智霖、阿Sa蔡卓妍、佘詩曼、林雪、雨僑,今日齊齊在上海出席發佈會鬥講鬼故。發佈會上同時宣布電影將於萬聖節檔期上映。 會上幾位演員講到拍攝時奇怪經歷,張智霖表示最難忘係要肢解林家棟:「平時劏雞都唔會,今次就要將林家棟條屍體肢解,個感覺好特別。」其實今次導演係拍過《人肉叉燒飽》嘅邱禮濤,肢解呢啲例行公事啦。 阿Sa就表示自己細細個已經睇過《陰陽路》系列,但其實好怕睇恐怖片,即使依家都唔敢睇。

林雪講到自己角色同套戲有關嘅道具係黑膠碟,用國語講出「稀鳩碟」時仿似講粗口,全場大笑。 佘詩曼話片中係同古天樂做一對,兩個好恩愛,夜晚仲特別有情趣,兩個會跳下舞咁。至於雨僑,知道拍呢部片可以同到林家棟合作好開心,點知劇情安排呢一對係冇機會做到對手戲,所以好可惜。發佈會最後由各位演員齊齊倒紅酒入冰棺,以血紅色現出「萬聖節見」幾個大字作結。

此外,一眾演員在上海電影節紅毯非常忙碌,古天樂林家棟與黃柏高,葉偉信,鄭保瑞及吳樾昨日行畢《殺破狼·貪狼》紅毯,隨即趕急轉身加入隨後也是有份主演的《常伴我左右》。當中女主角之一的佘詩曼,以一條仙氣露肩薄紗魚尾裙現身,雖然艷壓全場,但魚尾裙設計「好睇唔好行」,加上大會安排一眾演員行完紅地毯後,要走一條又長又斜的樓梯進入大劇院,助手未能與她同行的阿佘,根本無辦法行上樓梯,幸好有戲中男主角古天樂在身邊,古仔man爆化身人肉扶手,緊緊托著整個身軀不斷傾側的阿佘,一級一級走上樓梯。靚,是要負出代價,阿佘事後自嘲說:「我就好似一條八爪魚,因為吸住咗個地,行唔郁!」

上一條下一條