小巨肺譚芷昀 (Celine) 爹哋譚順生 籌備多時的新碟《想到舊年》亦於本周五( 16/6) 正式推出。
Dr. Steve 以兩日時間去了中環摩天輪、榕樹頭天后古廟、獅子山、文化中心鐘樓等香港九個景點,玩live band即場收音一take過兼拍mv,相當特別。

教囡囡成功需苦幹

譚順生跑勻全港唱懷舊歌 

(先機網報道)小巨肺譚芷昀 (Celine) 爹哋、任職歌唱老師的譚順生 (Dr. Steve),近日除了為《中國新歌聲》第二季出任毒舌評判外,其籌備多時的新碟《想到舊年》亦於本周五( 16/6) 正式推出,今次新碟主打懷舊經典金曲,包括《明日話今天》、《戀愛預告》、《奮鬥》、《漫漫前路》、《上海灘》等等,為了配合這些家傳戶曉的經典名曲,Dr. Steve 以兩日時間去了中環摩天輪、榕樹頭天后古廟、獅子山、文化中心鐘樓等香港九個景點,玩live band即場收音一take過兼拍mv,相當特別。
Dr. Steve能推出首張大碟,對老闆蕭定一無限感謝,他說:「係蕭定一俾咗呢個幸運我,佢好鍾意完成人哋嘅夢想,老闆將懷舊嘅構思同埋九個香港嘅特別地方放喺歌入面,等大家有共鳴,呢九首歌係陪住好多香港人成長。」他最深印象在獅子山頂唱《奮鬥》和紅館外唱《上海灘》,因為在山頂拍攝時遇上很多晨運客,不少老人家聽他唱歌,又跟他合照,至於在紅館外唱歌更令他有憧憬,「希望日後可以喺紅館開演唱會,呢個夢想希望老闆幫我達成。」
Dr. Steve亦有同囡囡Celine分享出碟一事,當Celine知道爹哋在兩日內錄九首歌後感到很驚訝,Dr. Steve說:「佢問咗好多次,真係九個地方拍?咁短時間拍晒?因為佢一首歌錄兩三日,但點解爹哋一兩日可以錄晒?我話俾佢聽,成功需苦幹,我用咗三十年先磨練到呢副性格同奮鬥心,咁先可以裝備好自己,當有貴人同你合作就要好好把握。」

 

上一條下一條