張智霖 (Chilam) 和連詩雅 (Shiga) 等都自掏腰包睇戲撐場,為本土創作電影加油。
欣宜希望呢部戲有更多人睇,希望呢個訊息幫到更多人去判斷自己嘅選擇。

張智霖連詩雅熱撐《29+1》

欣宜 BabyJohn 謝票有感悟

(先機網報道)原著彭秀慧舞台劇並由她自編自導、由周秀娜和鄭欣宜 (Joyce) 主演的《29+1》,自上周四 (11/5) 港、澳兩地上映至昨天 (19/5) ,累積票房達 700 萬,成績不俗。其實《29+1》由 4 月播放優先場開始,一直口碑轟傳,不少圈中人如張智霖 (Chilam) 和連詩雅 (Shiga) 等都自掏腰包睇戲撐場,為本土創作電影加油。

為答謝觀眾支持,電影公司特別印製限量版精美場刊及巴黎鐵塔鎖匙扣派發給入場觀眾,本周五六日 (19-21/5) 更加製一萬五千份;另外一眾演員和導演之前兵分三路,走勻港九新界的戲院四出謝票,觀眾亦表現熱情,場場都排長龍等候和演員及導演影相及傾偈,當中不乏已非首次入場的觀眾,更有人睇了七次之多,因為電影內容有意思及有思考空間,令觀眾每次睇戲都有不同領悟。

Joyce就說:「呢次做謝票,最感動係有觀眾睇完之後,同我講決定唔做份工去做working holiday;我最欣賞呢部戲嘅地方,係會令到你有思考,你自己想做啲乜嘢,會為自己做一啲嘢,會更加珍惜自己擁有嘅東西,呢一樣嘢係好重要。我希望呢部戲有更多人睇,希望呢個訊息幫到更多人去判斷自己嘅選擇。」

BabyJohn在過去幾個月做了好幾部電影的謝票,但《29+1》的謝票就跟之前大不同,「今次係一個影後座談,可能因為呢套電影原著舞台劇,我試過去其中一間戲院,觀眾分享感受時,會帶埋一啲舞台劇嘅感想;另外因為呢部戲比較寫實生活,同埋偏重女性三十歲嘅年齡,所以觀眾幾肯分享30歲或者同呢部戲有關嘅經歷,所以我覺得今次謝票係令到自己都有嘢諗、有感受,唔單止係多謝觀眾咁簡單,直情係一個交流會。」

 

上一條下一條