娛樂版好似天氣一樣冷冰冰


歡迎嚟到[一網打盡]今日係我林健明,跟大家睇下各個娛樂版既娛樂新聞,今日既娛樂版就好似天氣一樣冷冰冰、無嚟氣氛,張張報紙都有唔同既頭版故仔,比較特別係蘋果既C1。用咗亞視[六合彩之子]蔡國威做C1頭版,相信蔡國威都沒想過會上C1。
亞視出半個月糧未過數 係呢個無乜新聞既日子,蘋果設計呢個故仔,算係一個唔錯既選擇,因為亞視兩個月冇糧出,而搵咗相信亞視收視最穩定既六合彩攪珠節目主持人蔡國威做主角,起碼逹到兩個目標就係新聞性同新鮮感,至於版面設計係唔係吸引,就見仁見智。而文中訪問到蔡國威,指亞視欠薪,令佢銀行戶口數字直線下降,所以日常都慳住用錢,錦上添花好容易,而雪中送炭就好難,好彩呢排都接到唔少朋友既關心,仲有朋友話介紹佢去無綫,覺得好溫暖。報道又提到蔡國威明年中與亞視便約滿,經過拖糧事件,佢己經開始謀定後路,除咗每期買亡合彩博一博之外,一直有意搞寵物店生意,依家會將計劃提前囉!
Sammi第8場騒晒激咀 至於星島就揀咗Sammi演唱會第8場做娛頭,亮點放咗係學支喺呢場做嘉賓,還係現場播Sammi同學友係[飛虎精英之天若有情}兩人激咀相,而Sammi另一場安仔終於現身,仲坐足成晚。學友係Sammi換衫既時候爆料,話Sammi指定佢要唱隻新歌,初時學友都唔明白,後來再睇歌詞就知點解。因為呢隻歌係講一啲男女 經歷咗啲波折,先學懂點樣去愛。應該係呢個原因感動到Sammi。呢隻係乜嘢歌?[用餘生去愛]。

上一條下一條