認識新朋友朱盈盈Zenia

有個朋友強哥6月2號生日,今個周日大家係大埔三門仔漁排搞咗個生日Party同佢補祝生日,雖然天氣唔係太好,所以景色唔及上兩次去玩咁靚,不過天公都算做美,應該有得玩嘅節目都玩晒,好似釣魚、坐快艇、坐香蕉船同揸水上電單車嘅水上活動;之後有BBQ燒烤、蒸氣鍋食海鮮,然後唱生日歌同卡拉OK,開開心心玩咗成個下晝。

同強哥慶祝生日自然開心,同班朋友輕輕鬆鬆玩吓,亦係賞心悅目。不過最開心都係試咗幾個新朋友,其中一個靚女係朱盈盈Zenia,佢參加過港姐、亞姐,仲喺中國小姐獲得全國季軍都真係唔簡單,今日好高興認識Zenia,其實阿八真係要認識多啲年青一輩嘅藝人,聽聞佢最近接咗個豐胸代言,希望日後有機會訪問吓Zenia同公事上有合作。

阿八

上一條下一條