同幾位前輩一起參加籮記的生日會,忘記了那一年,應該是2000年左右。

與籮記交往點滴

其實講羅文還有許多點點滴滴,記得個陣籮記逢周末、周日海城夜總會有人擺酒,佢就要做騷!有一次佢叫埋阿八去影相,八點幾準備妥當等出場,籮記問Terry(助手)擺酒啲人美點雙輝同糖水食乜,話佢又要一份。好快伙記就送一窩紅豆沙糖水、笑口棗同合桃酥,仲有大大隻新橙奇士橙入後台,籮記唔知幾好胃口,掃咗三份一,跟住就出場表演。表演完籮記嬲爆爆同Terry,以後唔好攞笑口棗俾佢食,佢話剛才表演個喉嚨好痕,幾乎唱唔出,其實阿八就台口影相,一啲都唔覺得佢有問題,大概呢啲就係大明星、大歌星對自己嘅要求!
到九十年代,阿八都俾籮記投訴過一次,個次阿八要搵籮記做一個三千字的長訪問,阿八諗到由前輩籮記評四大天王應該有吸引力,點知條題仲有吸引力,唔係評、係批評,籮記睇到梗係唔開心,捉住阿八話,一篇訪問要佢得罪晒四大天王啲歌迷,仲有邊個買佢隻碟!阿八事後反醒過,以後處理呢類題材特別小心。

阿八

上一條下一條