薛凱琪 擁抱順景與逆景

別人眼中的開心丶快樂人的薛凱琪(Fiona)實際曾經軟弱過,人生高低起跌,今天的Fiona更懂得愛惜自己,愛惜身邊人,同時還可以理直氣壯擁抱順景與逆景,欣賞自己的同時還可以用工作、音樂去宣掦愛、正能量、光芒既人生。今天的Fiona相信快樂便會活得快樂。

04年入行,轉眼12年,Fiona在事業上、人生上都有過高低起跌,12年她學懂感恩,因為她相信上天一早已經安排好,包括08年患上抑鬱病亦是一次考驗,Fiona説:「我嘅人生,薛凱琪嘅人生喺嗰個階段係需要一次抑鬱症,然後我先會經歷私生活上、心智上、工作上嘅一個低潮,然後今天的我很普通一天假期,或者工作完與朋友一起喝杯茶,一切都是來得不易,我要更加珍惜。」昔日的Fiona性格封閉,從不與人分享,今天180度轉變,明白分享的重要性,她說:「今天我懂得家人朋友的存在,就是因為要為我分擔我嘅喜歡怒哀樂,今天的我懂得和人分擔我嘅喜歡怒哀樂,不會永遠怨天怨地怨別人,不會封閉自己,在信仰的指引下,令我明白遇到甚麼事都不要覺得自己係受害者,先想想別人,懂得愛錫身邊人就是懂得愛錫自己。」

Miss Fiona》真正

喜歡透過音樂分享自己故事的Fiona,透過MV、作品、不同的渠道,包括聲音、畫面、觀感去表達自己對這個世界的靈感。剛推出的新歌《Miss Fiona》,再度與周耀輝合作,以及找來陪伴自己成長的恩師參與MV創作部份,火花四起,Fiona説:「12年前我哋合作《麥當娜一吻》,當時我年紀少,《麥當娜一吻》意義在於俾我一個榜樣,12年後我有所經歷,《Miss Fiona》就係真正嘅我,自強嘅薛凱琪,所以唱歌方式,以至舞步都有一種硬朗感覺,有一種正能量。《Miss Fiona》中有很多新嘗試,仲挑戰rap,希望大家聽眾感受到自己嘅重要性、自己的獨特性。尤其係事業女性,要有一份堅強去面對周邊嘅評論。」

座右銘做好面前工作

這幾年Fiona學懂控制自己的快樂。電影上讓她現實生活中沒有機會做到都可以一一做到,感覺就像放假的一種滿足感。音樂上紀錄了自己的經歷故事,努力和進步,同時亦陪伴着自己成長,Fiona笑言12年前唱《奇洛李維斯回信》,今天再唱另有一番味道。Fiona的音樂旅程就是自己經歷、自己幻想盼望,及自己的創意,她沒有為自己定下什麼未來大計,只著重眼前,她說:「我對工作、目標好執著,如果定下某一些目標,例如獲得「女歌手金獎」,但如果達唔到,自己會好唔開心,我覺得咁樣對我自己太殘忍。我人生的座右銘其實係做好面前的工作,其他就順其自然及交托給上天安排。我只希望有一個室外的晚上演唱會,感覺好浪漫。另外我希望開自己的個人畫展,仲計劃執導自己的電影,我曾經執導拍攝一部微電影,電影的劇本已經準備好。」

快樂指數不斷提升

花九成時間在工作上的Fiona,被傳媒寫成緋聞不斷,她澄清:「娛樂圈俾人一種誤解,係一個花花世界,的確身邊有好多人,但我嘅心力放喺工作上,大家覺得我有好多異性朋友係一個假象,我細細個已經知道拍拖不是要搵一個玩伴,要搵一個可以一齊走落去嘅人,當兩個人走在一起,睇法、道德觀,要同我相同,快樂指數要不斷提升。如果我好愛某一個人,即使佢做咗啲衰嘢,都係逼不得已。」

Fiona的快樂泉源,在於可以做到自己喜歡的事,演繹自己喜歡的角色及曲詞,表現最自然、自信、真我的一刻。或許需要有所經歷才會懂得欣賞,Fiona慶幸自己跌倒過,才成就今天的薛凱琪。

Text:Cat Lee

Hair: Jo Lam @ Queen's Private i 

Makeup: Jessica Chan @ Jessica Chan make-up workshop

 

 

上一條下一條